ଅବୋଲକରା

Abolakara ଅବୋଲକରା
ଲେଖକ	ଅଭୟ ଚରଣ ମହାନ୍ତି
ସବିଶେଷ
ଳିଙ୍ଗ	ପୁରୁଷ
ଜୀବିକା	ସେବାକାରି
ଉପାଧି	ରସିକ ଶେଖର ଚୁଡ଼ାମଣି
ଜାତୀୟତା	ଭାରତୀୟ
ଆଞ୍ଚଳିକତା	ଓଡ଼ିଆ

ଅବୋଲକରା ଏକ କାଳ୍ପନିକ ଚରିତ୍ର ଯାହା ଓଡ଼ିଆ ସାହିତ୍ୟରେ କାହାଣୀ, କବିତା, ନାଟକ ଆଦିରେ ବ୍ୟବହାର କରାଯାଇଛି । ଆକ୍ଷରିକ ଭାବରେ ବୋଲ ମାନୁନଥିବା (ଅବଜ୍ଞାକାରୀ) ଲୋକକୁ ଅବୋଲକରା କୁହାଯାଇଥାଏ ।

କାହାଣୀର ପ୍ରଚ୍ଛଦପଟ

ଅବୋଲକରା ଜଣେ ପଣ୍ଡିତଙ୍କର ସେବାକାରୀ । ପଣ୍ଡିତଙ୍କ ସାଙ୍ଗରେ ସେ ଅନେକ ସ୍ଥାନ ଯାଇଥାଏ ଓ ତାହାଙ୍କର ସେବା କରିଥାଏ । ଦିନରେ ସେମାନେ ଚାଲନ୍ତି ଓ ସଞ୍ଜ ହେଲେ ପଣ୍ଡିତ (ସାଆନ୍ତ) ଅବୋଲକରକୁ କହନ୍ତି:

"ପକା କମଳ ପୋତ ଛତା, ଶୁଣ ଅବୋଲକରା କହୁଛି କଥା ॥'"

ତାହାପରେ ଅବୋଲକରା କମଳ ପାରିଦେଇଥାଏ । ତାହା ଉପରେ ସାଆନ୍ତ ବସି ଅବୋଲକରକୁ କାହାଣୀ ସୁନାନ୍ତି । ଏହି କଥନିକାକୁ ନେଇ "ଅବୋଲକରା କାହାଣୀ" ଗଢ଼ିଉଠିଛି ।

ସାହିତ୍ୟ

ଓଡ଼ିଆ ସାହିତ୍ୟରେ "ଅବୋଲକରା କାହାଣୀ" ନାମରେ କାହାଣୀ "ଅବୋଲକରା ଉବାଚ" ନାମରେ ନାଟକ ଆଦି ରଚିତ ହୋଇଛି ।

ନମୁନା ଲେଖା

ଦକ୍ଷିଣ ଦେଶରେ ସିନ୍ଧୁ ନାମକ ଏକ ରାଜ୍ୟ ଥିଲା । ସେଠାରେ ବୀରବାହୁ ବୋଲି ଜଣେ ରାଜା ଥିଲେ । ତାଙ୍କର ଦୁଇଟି ରାଣୀ ଥାନ୍ତି । ବଡ଼ରାଣୀର ନାମ ପ୍ରେମଶିଳା, ସାନ ରାଣୀର ନାମ କନକମଞ୍ଜରୀ । ତାଠାରେ ରାଜା ବଡ଼ ସ୍ନେହ କରୁଥାନ୍ତି । ବଡ଼ ରାଣୀଟିକୁ ଦେଖି ପାରନ୍ତି ନାହିଁ । କେତେ ଦିନ ଗଲାପରେ ଦୈବଯୋଗେ ବଡ଼ ରାଣୀର ଗୋଟେ ପୁଅ ଜନ୍ମ ହେଲା । ବଡ଼ ରାଣୀର ପୁଅ ହେବ ଦେଖି ସାନରାଣୀ ମନେ ମନେ ଚିନ୍ତାକରି ବିଚାରିଲା, ତାର ତ ପୁଅ ହେଲାଣି ସେ ରାଜ୍ୟ ପାଇବ, ଭଲ ମନ୍ଦ ହେଲେ ରାଜା ମୋତେ ନିଶ୍ଚେଁ ରାଜ୍ୟରୁ ତଡ଼ିଦେବେ । ମୁଁ ଏବେ କି ଉପାୟ କରିବି ?

ବହି

• କ୍ଷୁଦ୍ରଗଳ୍ପ

• ମହାନ୍ତି, ଅଭୟ ଚରଣ. ଅବୋଲକରା କାହାଣୀ : ପ୍ରଥମ ଭାଗ Archived 2012-04-25 at the Wayback Machine.. ଧର୍ମଗ୍ରନ୍ଥ ଷ୍ଟୋର, କଟକ. 118 p. (ଭାଗ ୧)
• ମହାନ୍ତି, ଅଭୟ ଚରଣ. ଅବୋଲକରା କାହାଣୀ : ଦ୍ୱିତୀୟ ଭାଗ (ଭାଗ ୨)
• ମହାନ୍ତି, ଅଭୟ ଚରଣ. Abolakara kahani : ତୃତୀୟ ଭାଗ (ଭାଗ ୩)

• କବିତା

• ଦାସ, ମନୋଜ. କବିତା ଉତ୍କଳ